Adugave Cheliyaa Aatani (అడుగవే చెలియా ఆతని )

అడుగవే చెలియా ఆతని నీవు
యెడయక తనతో నే నెగసక్కే లాడేనా       ॥ పల్లవి ॥

యెందుండి పచ్చితివంటే యేల తలవంచీనే
కందె నీమోవి యంటేను కతలేమి చెప్పీనే
గందము చిట్లెనంటే కడునేల జంకించీనే
చిందీఁ జెమటలంటేను సిగ్గువడ నేఁటికే      ॥ అడు ॥

కొప్పు జారెనంటేను కొచ్టి యేల నవ్వీనే
వుప్పతిలీఁ గళలంటే వురిమి యేల చూచీనే
కప్పుకొ నీమేనంటే కందువలేల దాఁచీనే
దప్పి యెంత గొంటివంటే తలపోఁతలేఁటికే    ॥ అడు ॥

వింతవాస లేడదంటే వినయాలేల సేసీనే
సంతోసించే వేమియంటే సారె వేఁడుకొనీనేలే
ఇంతసేసి శ్రీవేంకటేశుఁడు నిన్నిటు గూడె
చింత నీకెందున్నదంటే చెక్కునొక్క నేఁటికే   ॥ అడు ॥