Amdulone Kaanavachchee Nannipanulu Maaku (అందులోనే కానవచ్చీ నన్నిపనులు మాకు)

అందులోనే కానవచ్చీ నన్ని పనులు మాకు
సందడి నేమి చెప్పినా సమ్మతి గాదెపుడు     ॥ పల్లవి ॥

పడఁతి మీఁద నీకు బత్తే గలిగితేను
ఉడుగ కాపె పాదాలు వొత్తుమా చూతము
బడిబడి నీవిచ్చిన బాసలే నిజమైతే
గుడిగొని వీఁ పెక్కించుకొమ్మా నేఁడు చూతము ॥ అందు ॥

సొగసి మీ యిద్దరికి చుట్టరికమే కలితే-
నొగి నెంగిలి పొత్తుకు నొగ్గుమా చూతము
మగువ చేఁతలకు నీమర్మములు గరఁగితే
తెగువతో గోళ్ల నొత్తించుకొమ్మా చూతము    ॥ అందు ॥

యెలమి నాపెకు నీకు నెరవులు లేకుండితే
బెళకకుండా నుద్దాలు పెట్టుమా చూతము
అలమేలుమంగ నేను ఆపె నీకుఁ బ్రియమైతే
కలసి శ్రీవేంకటేశ కైకొనుమా చూతము    ॥ అందు ॥