Amdarunu Chuttaale Amdarunu (అందరును చుట్టాలే అందరును)

అందరును చుట్టాలే అందరును బందుగులే
సందడి మీతో నేను జగడించేనా         ॥ పల్లవి ॥

వరుస రాజుమన్నించేవారే దేవుళ్లుగాక
యెరవులవా రిందుకేల వచ్చేరే
నిరతి నాతఁడుండఁగ నేఁడు మీ రేమి సేతురే
గొరబుసేసి మిమ్మిఁక కోపగించేనా      ॥ అంద ॥

బలువుఁడు కసవుచేపట్టిన మేరువేకాక
నెలకొన్నసతులకు నేరమేడదే
కలవాఁ డాతఁడే కాక కారణము మీరయ్యేరా
పిలిచి మీతో నేను బీరమాడేనా        ॥ అంద ॥

పక్కనను వెదుళ్లపందిలే చక్కనగాక
యెక్కువ తక్కువలు మీ కేడనున్నవే
యిక్కువతో శ్రీ వేంకటేశుఁడిదె నన్నుఁ గూడె
వొక్కటైతి మీతో నిఁక నొరటులాడేనా     ॥ అంద ॥