Amduke Vichaarimche Nappatanumdi (అందుకే విచారించె నప్పటనుండి)

అందుకే విచారించే నప్పటనుండి
చెంది నాకు నొక్క బుద్ది చెప్పవే చెలియా    ॥ పల్లవి ॥

సొలసి యాతని నేఁచూచితేను నా చూపులు
కొలఁది మీరఁగ నాఁటుకొనవుగదా
కొలువు నేఁ జేసితేను కోరి నా చక్కఁదనము
తలఁపులోఁ జుట్టుకొని తమి రేఁచదుగదా    ॥ అందు ॥

తగిలి మాఁటాడితేను తతి మోవితెనె గారి
సొగటువారి యతఁడు చొక్కఁడుగదా
నగితేను ముంచుకొని నాతోడి సంగాతము
జిగురువలె నంటుక చిక్కించుకోదుగదా    ॥ అందు ॥

కదిసి కాఁగిలించితే గట్టి నా చన్నులు దాఁకి
పదరి మదనకళ పట్టదుగదా
ఇదివో శ్రీవేంకటేశుఁ డేలె నన్నుఁ దానె వచ్చి
పొదిగితే మేనెల్లాఁ బులకించదుగదా     ॥ అందు ॥