Amgana Lellaa Navveru (అంగన లెల్లా నవ్వేరు)

అంగన లెల్లా అదివో నేఁడు
అంగములు పులకించె నదివో నేఁడు      ॥ పల్లవి ॥

చేరి నీవు విలువగా సిగ్గువ నాపె లోఁగఁగా
ఆరితేరె వలపులు అదివో నేఁడు
గారవించఁగా నీవు కాంత నీకు మొక్కఁగాను
అరగించి వేళలేదు అదివో నేఁడు       ॥ అంగన ॥

అంది నీవు చెనకఁగా నాపె యిల్లు చొచ్చుకోఁగా
అందరు నెఱిఁగి రీపనదివో నేఁడు
చెంది నీవు వెనగఁగా చెలి సరసమాడఁగా
అందమాయ గోరితాఁకులదివో నేఁడు     ॥ అంగన ॥

సేస నీవు వెట్టఁ గాను సెలవి నాపె నవ్వఁగా-
నా సుద్దులింతటా నిండె నదివో నేఁడు
శ్రీసతినిఁ గూడితివి శ్రీవేంకటేశ నేఁడు
ఆస లిద్దరికెక్కుడు అదివో నేఁడు      ॥ అంగన ॥