Amganalire Haratulu (అంగనలీరే హారతులు)

అంగనలీరే హారతులు అంగజగురునకు నారతులు          ॥ పల్లవి ॥

శ్రీదేవి తోడుత జెలగుచు నవ్వే ఆదిమ పురుషుని కారతులు

మేదినీ రమణి మేలము లాడేటి ఆదిత్య తేజున కారతులు        ॥ అంగ ॥

సురలకు నమౄతము సొరది నొసంగిన హరి కివో పసిడారతులు

తరమిది దుష్టుల దనుజుల నడచిన అరి భయంకరున కారతులు  ॥ అంగ ॥

నిచ్చలు కల్యాణ నిధియై యేగేటి అచ్యుతునకు నివె యారతులు
చొచ్చి శ్రీ వేంకటేశుడు నలమేల్మంగ యచ్చుగ నిలిచిరి యారతులు   ॥ అంగ ॥