Adugare Chelulaala Aatadu (అడుగరే చెలులాల ఆతడు)

అడుగరే చెలులాల ఆతఁడు వాడే
యెడసితే జంకింతుము యింత కోపీనా    ॥ పల్లవి ॥

చేతికి లో నౌదాఁకా జెప్పెటి ప్రియము లింతే
ఆతలి మందెమేళాలె అదు కోపీనా
కాతరపుదాన నేను ఘనుఁ డిన్నిటాఁ దాను
యేతులు నెమ్మెలు మాని యింత కోపీనా    ॥ అడుగరే ॥

చనవు గలుగుదాఁకా సరవి నడచు నింతే
వెనకపనులు మీరు వెట్ట కోపీనా
మొకతోడిదాన నేను మొక్కలపుదొర దాను
యెనసి మాతోడి జడ్డు కింత కోపీనా       ॥ అడుగరే ॥

కలసిన యందాఁక కన్నుల మొక్కుట యింతే
బలుము లంతటి మీఁదిపని కోపీనా
చెలి నింతే నన్నుఁ గూడె శ్రీవెంకటేశుఁడు దాను
యెలయింపులరతుల కింత కోపీనా     ॥ అడుగరే ॥