Akkalala Chuududamdarunu (అక్కలాల చూడుడందరును)

అక్కలాల చూడుఁ డందరును
నిక్కి వారవట్టీ నేఁడు గృష్ణుఁడు       ॥ పల్లవి ॥

ఆనవాలవుట్టి అడుకులవుట్టి
పానకపుటుట్టి బలిమినే
ఆనుక కోలల నందియంది కొట్టి
తేనెవుట్టి (?) గొట్టీ దేవకీసుతుఁడు     ॥ అక్క ॥

పెరుగువుట్టి మంచి పేరిన నేతివుట్టి
సరివెన్నవుట్టి చక్కెరవుట్టి
వెరవుతోఁ గొట్టి వెస బాలులతో
పొరుగువుట్టి (?) గొట్టీ పొంచి రాముఁడు  ॥ అక్క ॥

మక్కువ నలమేలుమంగఁ గూడి నేఁడు
చొక్కి శ్రీవేంకటేశుఁడు వీధుల
నిక్కి వుట్లెల్లా నిండాఁ గొట్టి వుట్టి(?)-
చక్కిలాలు గొట్టీ జగతీశుఁడు      ॥ అక్క ॥