Alukalu Deerenu (అలుకలు దీరెను )

అలుకలు దీరెను అంగన నీకు మొక్కెను
వెలయఁగఁ జెలికి విడె మియ్యరాదా         ॥ పల్లవి ॥

నగమెంత నవ్వేవు నాలి యంత సేసేవు
జిగి నాపె చెప్పినట్లు సేయరాదా
మొగ మెందాఁకాఁ జూచేవుముట్టిముట్టేమాడేవు
వెగటుదీరఁ జేతికి విడె మియ్యదా           ॥ అలు ॥

మాట లెంతేశాడేవు మనపసు లేలొరసేవు
యీటున నీకెకుఁజనవియ్యరాదా
పాటలెన్ని వాడేవు పరాకేల సేసేవు
వేటుఁబువ్వుల చేతికి విడెమియ్యరాదా      ॥ అలు ॥

మక్కువెంత సేసేవు మర్మమేమి యంటేవు
పిక్కటిల్ల నిఁక సేసవెట్టరాదా
గక్కన శ్రీవేంకటేశ కలసితి వీకెనిట్టె
వెక్కసమై చేతికి విడెమియ్యరాదా        ॥ అలు ॥