Amdaru Neriginave (అందరు నెఱిఁగినవే)

అందరు నెఱిఁగినవే అన్నిపనులు
అందియ్యరాదా వీడె మంత సిగ్గులేఁటికి        ॥ పల్లవి ॥

చిప్పిలి చెమటనీరు చెక్కుల వెంటాఁ గారఁగా
చెప్పరాని వూడిగాలు సేసీనాపె
దప్పిదేరే మోవితోడ దగదొట్టి మాటలాడీఁ
గప్పురమైనా నీరాదా కడు సిగ్గులేఁటికి        ॥ అందరు ॥

పెనుఁదురు మట్టే వీడి పిక్కలవెంటా జారఁగా
పెనఁగి నిన్నుఁ బిలిచీ ప్రియురాలు
నినుపు నిట్టూర్పులతో నిలుచుండి నవ్వు నవ్వీ
యెనసి విసరరాదా యింకా సిగ్గులేఁటికి       ॥ అందరు ॥

పూసిన కస్తూరిపూత పొడివొడియై రాలఁగ
అసల నలమేల్మంగ అలమీ నిన్ను
యీసులేక శ్రీవేంకటేశ యేలితివి మమ్ముఁ
జేసుకొన్నపతి వింతే సిగ్గువడనేటికి         ॥ అందరు ॥