Amdarunu Vinaramma (అందరును వినరమ్మ)

అందరును వినరమ్మ ఆమాఁట
ఆందాలు చెప్పఁగవచ్చీ నమ్మరోయమ్మా     ॥ పల్లవి ॥

యీతల నన్ను రమ్మని యేఁటికి బిలిపించెనో
ఆతని నడుగరమ్మా ఆమాఁట
రాతిరెల్లా జాగరాలే రవ్వ కెక్కెఁ బగలెల్లా
చేఁతలేమి సేయవలెఁ జెప్పరోయమ్మా     ॥ అంద ॥

పనిలేనిపని కేల పంతమిచ్చెనో కాని
అనఁడా తా నావేళ ఆమాఁట
తనిసె నామనసెల్లాఁ దలకెక్కె వలపెల్లా
ఆనుమానా లేమిగల్లా నాడుమనరమ్మా     ॥ అంద ॥

యేకతానఁ జెప్పేనంటా నిందరి మిమ్ముఁ బొమ్మనె
అకడ నప్పుడే వింటి నామాఁట
పైకొని శ్రీవేంకటాద్రిపతి యింతసేసి కూడె
మీకుమీకే యిఁకనైనా మెచ్చుకోరేయమ్మా   ॥ అంద ॥