Amduke Mechchavaddaa (అందుకే మెచ్చవద్దా)

అందుకేమెచ్చవద్దా అతివ నీవు
పొందెఱిఁగినవానితోఁ బోర మరి తగవా    ॥ పల్లవి ॥

పిలిచినప్పుడే వచ్చెపెనఁగితే లోనాయ
చలమేల సాదించేవే సరసునివి
వెలి నెంత సేసినాను వేళ దప్పనియ్యఁదు
తలఁపులోనున్న వాని తప్పులెంచఁదగవా  ॥ అందు ॥

నవ్వినప్పుడేనవ్వె ననుపున మెచ్చఁజేసె
రవ్వలే సేసేవే రమణునిని
యెవ్వతెఁ బెండ్లాడినాను యిరవునీనగరే
వువ్విళ్లూరించేవారి నొద్దనఁగఁదగవా     ॥ అందు ॥

కూడినప్పుడే కూడెను కూరిమికి సంతోసించె
వీడనేలాడేవే శ్రీవేంకటేశుని
వీడె మెవ్వతిచ్చినాను విడువఁడు నీకాఁగిలి
జోడయి వుండినవాని సోదించఁగవా    ॥ అందు ॥