Amdulone Vunnavi (అందులోనే వున్నవి)

అందులోనే వున్నవి ఆయములెల్ల
మందలించనివాఁడవా మతకరివి       ॥ పల్లవి ॥

మన్నించే నీనాలోనొక్కమాటపట్టుకే కదా
నన్ను నిన్నుఁ జూచుకొని నవ్వితి నేఁడు
విన్నపాలిందుకుఁగాను వేగినంతాఁజేయనేల
సన్నెరఁగనివాఁడవా చతురుఁడవు      ॥ అందు ॥

ఇచ్చకపు నీవు సేసే యెన్నికలకే కదా
పచ్చిచేఁతలెల్లాఁజేసి భ్రమసితిని
తచ్చితచ్చియిందులోనే తగవులఁ బెట్టునేల
మచ్చికలేనివాఁడవా మాటకారివి       ॥ అందు ॥

కోరిక నీవుగూడిన కూటములకే కదా
చూరలైన రతులను చొక్కితినిట్టే
యీరీతి శ్రీవెంకటేశ యేలితివి నన్నునిట్టే
మారునితండ్రివి నీవే మండెమురాయఁడవు ॥ అందు ॥