Annalamta (అన్నలంటా)

అన్నలంటాఁ దమ్ములంటా ఆండ్లంటా బిడ్డలంటా
వన్నెల నప్పులు గొన్నవారువో వీరు    ॥ అన్న ॥

తెగనీక అప్పులెల్లాఁ దీసితీసి । వారు
తగిలినఁ బెట్టలేక దాఁగి దాఁగి
వెగటునఁ బారిపోఁగా వెంట వెంట । పెక్కు
వగల నప్పులు గొన్న వారువో వీరు    ॥ అన్న ॥

సేయరాని పనులెల్లఁ జేసిచేసి । తమ-
రాయడికి లోలోనే రాసిరాసి
కాయములో చొచ్చిచొచ్చి కాఁచికాఁచి । మున్ను
వ్రాయని పత్రాల కాఁగేవారువో వీరు    ॥ అన్న॥

దొరయై యప్పులవారిఁ దోసితోసి । యీ-
పరిభవములనెల్లఁ బాసిపాసి
సిరుల వేంకటపతిఁ జేరిచేరి । యిట్టి-
వరుసనే గెలిచినవారువో వీరు      ॥ అన్న॥