Annichotla (అన్నిచోట్ల)

అన్నిచోట్లఁ పరమాత్మ నీవు
యిన్నిరూపుల భ్రమయింతువుగా       ॥ అన్ని॥

పాలజలనిధినుండి బదరీవనాన నుండి
ఆలయమై గయలోఁ బ్రయాగ నుండి
భూలోకనిధివై పురుషోత్తమాన నుండి
వేలసంఖ్యల రూపై విచ్చేతుగా        ॥ అన్ని॥

వుత్తర మధురలో నయోధ్యలోపల నుండి
సత్తైన నందవ్రజాన నుండి
చిత్తగించి పంచవటి సింహాద్రిలోన నుండి
వత్తుగా లోకములు పావనము సేయఁగను   ॥ అన్ని॥

కైవల్యమున నుండి కమలజలోకాన
మోవఁగ శ్రీరంగమున నుండి
యీవల నావల నుండి యీవేంకటాద్రిపై
నీవే నీవే వచ్చి నెలకొంటిగా          ॥ అన్ని॥