Annita nitte kaani (అన్నిట్టా నిట్టే కాని

అన్నిటా నిట్టే కాని యగపడదు
అన్నమదమునఁ జిత్త మగపడదు      ॥ పల్లవి ॥

సొలసి సంసారములో సుఖముఁ బొందేనంటే
అలమటలేకాని యగపడదు
పలుచదువులవంకఁ బరము గనేనంటే
అల సంశమోకాని యగపడదు      ॥ అన్నిటా ॥

వెడదేహము మోఁచి విరతిఁ బొందేనంటే
అడియాసలేకాని యగపడదు
సడిఁ గోపమే యుండఁగ శాంతిఁ బొందేనంటే
అడవిఁ బడుటేకాని యగపడదు       ॥ అన్నిటా ॥

నేరిచి నీ మాయలోన నిజభక్తి గనేనంటే
అరీతి నాఱడేకాని యగపడదు
మేరతో శ్రీవేంకటేశ మించి నీకే శరణంటే
ఆరి తేరి కర్మబంధ మగపడదు     ॥ అన్నిటా ॥