Annitagavulu Neeyande Vunnavi (అన్నితగవులు నీయందే వున్నవి)

అన్ని తగవులు నీయందే వున్నవి
యెన్నిక విచారము లేమిటికి నీకు    ॥ పల్లవి ॥

మునుపఁ గప్పురమిచ్చి ముదిత గాచుకుండఁగ
వెనక విడెమిచ్చినవెలఁదితో నవ్వేవు
చెనకేయక్కకంటెను చెల్లెలే ప్రియముగాదా
చెనయఁ బెద్దతనము లెవ్వరికి బాఁతి  ॥ అన్ని ॥

పంతాన సేవసేసేటిపడఁతి పక్కనుండఁగ
చెంతనే మొక్కులు మొక్కేచెలిపైఁ జేయి చాఁచేవు
పొంతనున్న సతికంటె పొరుగాపె చవిగాదు
యెంతసేసే వినయాలు యెవ్వరికి బాంతి ॥ అన్ని॥

సరసమాడేయాపె సంగడినే వుండఁగాను
వొరసి పెనఁగేనన్ను నొగిఁ గూడేవు
గొరబై శ్రీవేంకటేశ కొసరునే మేలుగాదా
యెవులపాఁతవల పెవ్వరికి బాఁతి    ॥ అన్ని॥