Composer: Sri Tallapaka Annamacharya (Annamayya అన్నమయ్య) , May 9, 1408 – February 23, 1503 was born to Narayana Suri and Lakkamamba in Tallapaka, a village in current day Kadapa district of Andhra Pradesh. More….
Keerthana No. 340 ; volume No.2
Copper Sheet No. 170
Pallavi: Idivo nasampada
(ఇదివో నాసంపదా)
Ragam: Gundakriya
Language: Telugu (తెలుగు)
Sri Tallapaka Annamacharya (శ్రీ తాళ్ళపాక అన్నమాచార్య)
|| ఇదివో నాసంపదా ఆస్తియు బాస్తి నీవు ఇతరంబులు నాకు బనిలేదు |
పదిలంబుగ నాబ్రతుకెల్లా నీవే పాలించగదే నారాయణా ||
Charanams
|| ఉపమల నే నార్జించిన ఉన్నతదనంబు నీవు |
తపము సేయగా గలిగెడుతత్ఫలంబు నీవు |
జపములవలన గలిగెడునాతేజహ్ప్రభావమును నీవు |
కపురుల దానధర్మపరోపకారంబుల బొందెడుమేలు నీవు ||
|| పరము నాకు నీవు పరాత్పరమును నీవు |
గరిమల నిలలోపలియనంతభోగంబులు నీవు |
గరుడోరగాసురసిద్ధసాధ్యగంధర్వపదములు నీవు |
సురమునిపూజావేదపాఠసుకౄతంబులు నీవు ||
|| నాలుగాశ్రమంబులు నానావిద్యలు నీవు |
తాలిమి నాపంచవింశతితత్వంబులు నీవు |
ఈలీల శ్రీవేంకటేశ్వరా యిన్నియు నీవు నా కని యెరిగితి |
యేలితివి నాప్రాణంబులు నీవు యిల సర్వోపాయంబులు నీవు ||
No comments yet.