పద్యం:
ముగ్గురు, ఎవరికి వారే
తగ్గరు, తలయొగ్గరు, పరతత్త్వంబునకున్‌
దగ్గరకు చేరి కావవె
మొగ్గను వికసింపజేసి భువి బతుకమ్మా!
తాత్పర్యం:
బతుకమ్మ తల్లీ! నాకు మరో ముగ్గురు గొప్పస్నేహితులు వున్నారు. (సత్త్వరజస్తమస్సులు) నేను ఎవరితో కలుద్దామన్నా కలవనీయరు. నేనే గొప్పవాణ్ణనే భావం నాకు బాగా కలిగించి, నన్ను ఎవరితోనూ కలవనీయడం లేదు. చివరికి నీతో కూడా! వాళ్ళ ప్రభావానికి లోనై నేను ఏ నిర్ణయం తీసుకోలేకపోతున్నాను. చిన్నిమొగ్గలాంటి నా తత్త్వాన్ని సంపూర్ణంగా వికసింపచేసి, నన్ను మంచిదారిలో నడిపించు తల్లీ!
No comments yet.