Alayikeragavaddaa Aatadaani (అలయికెరఁగవద్దా ఆఁటదాని)

అలయికెరఁగవద్దా ఆఁటదాని యెడలను
యెలుఁగెత్తి తిట్టితేను యేమి సేసే విఁకను      ॥ పల్లవి ॥

మొక్కి మొక్కి చేతులెత్తి ముదిత వొడ్డించుకోఁగా
కక్కసించి చెనకేవు కాతరానను
జక్కవలఁ బోలిన మునుముక్కులు
ఇక్కడ నిన్ను నాటితే నేమిసేసేవిఁకను      ॥ అల ॥

చుట్టి చుట్టి పాదాలపై సుదతి యానవెట్టఁగా
ఱట్టుగాఁ గాఁగిలించే వాఱడిగా నీవు
దిట్టలయిన చకోరాల తీరుల కన్నుల చూపు
లిట్టె నిన్ను సొలసితే నేమి సే సేవిఁకను      ॥ అల ॥

మళ్లి మళ్లి రతులను మగువ నిన్నుఁ గూడఁగా
పల్లదాన నవ్వేవు పచ్చిదేరను
మెల్లనె వజ్రాలవంటి మెరుఁగు గోరు లంటితే
యెల్లగా శ్రీ వేంకటేశ యేమి సేసే విఁకను    ॥ అల ॥