Amganalemanna (అంగనలేమన్నా)

అంగనలేమన్నా నన్నునంటిరి గాని
కుంగని కుచాలఁ దన్ను కుమ్మవద్దాయిఁకను   ॥ పల్లవి ॥

అల్లవిగో తనమేననప్పటి పెంజెమటలు
మల్లాడి నామేనఁ జమరవచ్చీని
వల్లదాన నేఁదన్ను పట్టుక యిందుకుఁదగ
వెల్లవిరిఁ దమలాన వేయవద్దా యిఁకను     ॥ అంగన ॥

ఇదిగదే తనమేన యెరవులకంటమాల
బెదరక నామెడఁ బెట్టవచ్చీని
కుదియిఁచి యిందుకుఁ దనకురులు నాపదమున
నదిమి యేమైనాఁ జేసి ఆఁగవద్దా యిఁకను    ॥ అంగన ॥

కట్టుకవున్నాఁడదె కాసెగా యెవ్వతో చీర
వెట్టికి నాపైఁ గొంగు వేయవచ్చీని
ఇట్టె శ్రీ వేంకటేశుఁడు యెమ్మెతోఁగూడినందుకు
తిట్టరాని రిట్లెల్లాఁ దెట్టవద్దా యిఁకను       ॥ అంగన ॥