Amdaru Samthosimcheru (అందరు సంతోసించేరు)

అందరు సంతోసించేరు యశోదమ్మ వినవమ్మ
కందువైన బిడ్డనిఁ గంటివోయమ్మా             ॥ పల్లవి ॥

వనకేలి సేయఁబోతే వచ్చి మాఁకులెక్కీని
యెనసి జలకేలిలో యీఁదులాడీని
మునుపె మాకంటె మంచముపైఁదానె పండుండీని
ఘనుఁడైన యీకృష్ణునిఁ గంటివోయమ్మా        ॥ అంద ॥

అంగడి బేరము గొంటే అమ్మవచ్చీఁ దానె మాకు
ముంగిటనాలఁ బిండితే ముంతవట్టీని
సింగారించు కొనఁబోతే చీర గట్ట వచ్చీఁదానె
కంగుదేరిన బిడ్డనిఁ గంటివోయమ్మా            ॥ అంద ॥

కంచము మొదలనుంటేఁ గడియెత్తిపొత్తునను
కొంచి కన్నుమూసితేను కూడీఁ గాఁగిట
యెంచఁగ శ్రీ వేంకటాద్రినిరవై యాడేయట్టి
కాంచనమువంటి బిడ్డఁ గంటివోయమ్మా         ॥ అంద ॥