Aakevoo Naapraanamohanapuraani (ఆకెవో నాప్రాణమోహనపురాణి)

ఆకె వో నా ప్రాణమోహనపు రాణి
దాకొని వేవేలు కాంతలలోన నున్నది       ॥ పల్లవి ॥

ముదితకురుల నెల్లా ముత్యములు మాణికాలు
గుదిగుచ్చి కీలుగంటు గొన్నది
సదరపు పసిఁడివజ్రాల చనుకట్టుది
అదె పైడిపూవులపయ్యెద వల్లెవాటుది      ॥ ఆకె ॥

పచ్చలు దాచినయట్టి పాదుకలు మెట్టినది
లచ్చన మొగవుల మొలనూళ్లది
అచ్చపుటుంగరముల అందెలుఁ బాయవట్టాలు
గచ్చుల ముంజేతుల కంకణసూడిగేలది    ॥ ఆకె ॥

నానాభూషణముల నానాసింగారాల
పానిపట్టి నా దిక్కె తప్పక చూచేది
ఆనకపు శ్రీ వెంకటాద్రిపతినైన నన్ను
తానె వచ్చి కూడి నాదగ్గరనె వున్నది      ॥ ఆకె ॥