Annitaa Barinaamaite Nade (అన్నిటా బరిణామైతే నదే)

అన్నిటాఁ బరిణామైతే నదే చాలును
వున్నతపు సంతోసాన నున్నాఁడవా   ॥ పల్లవి ॥

అప్పుడాకెమేడలోన నంకెకు వచ్చినట్టెల్ల
చెప్పినట్టి బుద్దులెల్ల చెవిఁ బట్టెనా
దప్పిదేరే నిన్నుఁ జూచి దయదలఁచి మోవికి
కప్పుర మిచ్చినందున కాఁక దేరెనా   ॥ అన్నిటా ॥

పఱపు పై ఆపె నిన్నుఁ బవ్వళించఁ జేయఁగాను
మెఱసి నిద్దిరించి మేలుకొంటివా
తఱి చూచి ఆడ నీకు తమ్ములము వెట్టఁగాను
వెఱపులెల్లఁ దీరి వేడుకాయనా      ॥ అన్నిటా ॥

అట్టె కాఁగిటఁ గూడి నిన్నలయించి విసరఁగా
గట్టిగా నీమోమున కళదేరెనా
రట్టడి శ్రీవేంకటేశ గట్టిగా నన్నేలితివి
ఇట్టె యందునిందు యింపు లాయనా ॥ అన్నిటా ॥