Annitaa Daamu Natisayule (అన్నిటా దాము నతిశయులే)

అన్నిటాఁ దాము నతిశయులే
యెన్నఁగ నధికులె యెసఁగఁగను ॥ పల్లవి ॥

పరంపరలగు భవములఁ బొడమియు
చిరంతనుసే జీవులిదే
ధురంధరులే దురిత సుకృతముల
జరామరణ విశారదులే       ॥ అన్ని॥

సదా బహుల విషయమత్తులయ్యు
మదాతురులే మనుజులిదే
ముదాసక్తులే మోహవిదూరులే
చిదానందులే చిరయశులే     ॥ అన్ని॥

భృశం సుఖులే పుణ్యులందరు
సుశాంతాత్ములే శుభమతులే
విశారదులే వేంకటరమణుని
వశంవదులే వరిష్ఠులే       ॥ అన్ని॥