Amduke Vera Gayyaane (అందుకే వెర గయ్యానె)

అందుకే వెర గయ్యీనె అప్పటనుండియు మాకు
అందినవారికి మిన్ను అరచేతిదే        ॥ పల్లవి ॥

పతిమాఁటాడ విదేమే పలుమారుఁ దమకాన
అతఁడు నీతో మాట లాడఁగాను
యిత వై యెక్కినవారి కేనుగ గుజ్జన్న మాట
కతలుగా నీయందె కంటిమే నేము       ॥ అందుకే ॥

గక్కన రావది యేమె ఘనుఁడు నవ్వుతా నిన్ను
తెక్కులనె చేయి వట్టి తియ్యఁగాను
నొక్క టై పాలు వోసితే వోకివింత లన్నమాఁట
మిక్కిలి నీవల్లనె మెరసెనే నేఁడు       ॥ అందుకే ॥

శ్రీవెంకటేశ్వరుఁడు చేయి నీపై వేయఁగాను
నోవ దనక వాఁడిచన్నుల నొత్తేవు
పూవులవేసినవారిఁ బొంచి రాల వేసినట్టి
భావము నీయందె కంటి భళి భళి గుణములూ ॥ అందుకే ॥