Amgadi Vesevu Vala (అంగడి వేసేవు వల)

అంగడి వేసేవు వల పదేరా వోరీ
వుంగిటి పెద్దతనాన నుండ వేఁటికయ్యా    ॥ పల్లవి ॥

ఇట్టె మరచినమాట లెచ్చరించే విది యేరా
గుట్టునఁ దలఁచుకొంటే కోప మయ్యీని
యెట్టి కేలకు నీపొందు ఇతవుగఁ జేకొంటే
మట్టు మీరి నీవోజలు మాన వేఁటికయ్యా    ॥ అంగ ॥

ఆరితేరినపనులు అణఁగ నియ్య వదేర
సారెఁ గొనఁ బెట్టఁ బోతే చల మిక్కీని
తెరుచుక నీసుద్దులు తిద్దుకొని రాఁగాను
పూరకుండి మంచితన మొల్ల వేఁటిక     ॥ అంగ ॥

ఇచ్చినకాఁగిటిలోన నీడు వెట్టే విది యేర
కుచ్చి కుచ్చి యెత్తఁబోతే గుబ్బతిల్లీని
విచ్చనవిడి నన్ను శ్రీ వేంకటేశ కూడితివి
నచ్చుల నిఁక సెలవి నవ్వు లేఁటికయ్యా    ॥ అంగ ॥