Aape Nannu Nishtooramu (ఆపె నన్ను నిష్టూరము)

ఆపె నిన్ను నిష్టూరము లాడఁజాలదు
యేపున నేమే నీకు నెచ్చరించవలసె    ॥ పల్లవి ॥

తిలకించి చూడ నేల తెల్లవారినందాఁకా
మలకలమాట లేల మాపుదాఁకాను
నిలుచున్న దదివో నీయెదుటనే యింతి
వలసినట్లఁ జేయి వద్దనము నిన్నును     ॥ ఆప ॥

వట్టియాసలు రేఁచేవు వలసినొల్లములను
ఱట్టుగా నూరకుండే వాఱడితోడను
యెట్టి ననలేక యాపె యింటిలోఁ గాచుకున్నది
కట్టుకో అందలిమేలు కాదనము నిన్నును  ॥ ఆప ॥

తీరననీనవ్వులనే తెలియనీవు నీగుట్టు
నేరుపు నీప్రియములనెయ్యము బెట్టు
కూరిమి శ్రీవేంకటేశ కూడితివి మాచెలిని
నీరపము లాయ నిఁక నేర మెంచ నిన్నును ॥ ఆప ॥