Anatimmaa Vinagaani (ఆనతిమ్మా వినేగాని)

ఆనతిమ్మా వినేఁగాని అది గొంత
యీ నెలఁత నీపై బత్తి యిటువంటిదా   ॥ పల్లవి ॥

వద్దనే నుండఁగానె వనిత సన్నలు సేసీ
కద్దా తొల్లిఁ బొందు కాంతకు నీకు
ముద్దుముద్దువలెనే మోము చూచి నవ్వీని
యిద్దరికి లోలోనే యింతవలపా      ॥ ఆన ॥

కమ్మటినిఁ గానకుండా కానికలంపీ నీకు
సమ్మతా నీ కాపెసేసేసరితలెల్లా
పమ్మి నీవు విందువంటా పాటపాడీ నాడనుండే
వుమ్మడి మీతమకపుటొద్దిక లింతేశా    ॥ ఆన ॥

నీవూ నేనూఁ జూడఁగానే నిలుచున్న దీడ వచ్చి
కావర మింతేసి మీకుఁ గప్పివున్నదా
శ్రీవేంకటేశ యిద్దరిఁ జేతులు వట్టి కూడితి-
వీవేళనే నీయాపెయెన్నికలుఁ గూడెన   ॥ ఆన ॥