Adi Neeku Daarukaana (అది నీకు దారుకాణ)

అది నీకుఁ దారుకాణ అవునోకాదో కాని
కదిసి చెప్పఁగబోతే కతలయ్యీఁ గాని         ॥ పల్లవి ॥

కలలోని నీరూపు కన్నులఁగన్నట్లయ్యీ
చెలఁగి ఆసుద్ది చెప్పఁజింతయ్యీఁగాని
వెలయ నీపలుకులు వీనుల విన్నట్లయ్యీ
సెలవిఁ గమ్మరఁ జెప్పసిగ్గుయ్యీఁగాని       ॥ అది ॥

మంతనాన నీతో మాట లాడినట్లయ్యా
అంతటఁ జూచితే వెరగయ్యీఁగాని
కంతునమరతి నిన్నుఁ గాఁగిలించినట్లయ్యీ
పంతాన నేమనినాను పచ్చిదేరీఁగాని       ॥ అది ॥

సరుస నీమోవితేనె చవిగొన్నఅట్లనయ్యీ
వొరసి చూపఁబోతే గోరొత్తీఁగాని
ఇరవయినశ్రీవేంకటేశ నీవు ద్రిష్టముగా
సరుగఁ గూడిన నదె చాలాయఁగాని        ॥ అది ॥