Amtivi Vimtini Avu Badaraa Nee (అంటివి వింటిని అవు బదరా నీ)

అంటివి వింటిని అవుఁ బదరా నీ-
దంటతనంబులు తగుతగురా    ॥ పల్లవి ॥

నిక్కల గంటిని నీమాట చేకొంటి
చొక్కుల నను నిఁక సొలయకురా
చెక్కిలి నొక్కిలి సేసయుఁ బెట్టితి
యెక్కడిసుద్దులు యేఁటికిరా    ॥అంటి ॥

సెలవుల నగితిని సేఁతలఁ దెగితిని
బెళకుల ఆనలు పెట్టకురా
పులకల ముణిఁగితి బూతులఁ గొణఁగితి
వలపుల చల్లఁగవలెనటరా    ॥ అంటి ॥

కాఁకల వాడితిఁ గాఁగిటఁ గూడితి
వాకుసరసములు వలెనటరా
యీకడ శ్రీవేంకటేశ నీప్రియము
కైకొంటి పయ్యెదఁ గప్పేరా    ॥ అంటి ॥