Adi Lessa Telusuko (అది లెస్స తెలుసుకో)

అది లెస్స తెలుసుకో అప్పుడు విడువరాదు
వెదకి నాపైఁ జేయివేసేవు నేఁడు     ॥ పల్లవి ॥

వోపుదువా ఆపెతోను వొడ్డాఁ బెట్టా మాటలాడ
యీ పొద్దున మా ఇంటికి యెట్టు వచ్చితి
ఆఁపఁగలవా కోప మాపె నిన్ను జంకించితే
చూపుల నన్ను దప్పకచూచేవు నీవు    ॥ అది ॥

సేయనోపుదువా ఆపె చేరి బాస సేయుమంటే
యీయెడ నా చనుఁగవ యిట్టె అంటేవు
నాయానకు రాఁగలవా నమ్మనంటే ఆపెతోను
చేయిమీఁదుగా నాపై సేసలు వెట్టేవు    ॥ అది ॥

నిలువఁగనోపుదువా నేర మాపె యెంచితేను
కొలఁదిమీరఁగ నన్నుఁ గూడితివి
యెలమి నాపెకు పంతమియ్యకుండ గలవా
నలి శ్రీవేంకటేశుఁడ నవ్వేవు నాతోను    ॥ అది ॥