Amduku Sarikisari (అందుకు సరికిసరి)

అందుకు సరికి సరి ఆయనోయి
పందెమాడినట్లాయఁ బదరకు మికఁను    ॥ పల్లవి ॥

మోవి నాకుఁ జవిచూపి ముచ్చటలన్నియుఁ బాసి
ఆవేళ మాటాడఁజూచే వౌనోయి
తావివీడెపురసము తగ నీపుక్కిట నించి
యీవిధాన గెలిచితి నేమి సేసే విఁకను    ॥ అందు ॥

పయ్యదలో జేఁచాచి పక్కఁన గళలురేఁచి
ఆయ్యెడ నామోము చూచే వౌనోయి
చెయ్యారఁ గాఁగిట నొత్తి చెక్కు చెక్కున నదిమి
నెయ్యానఁ జొక్కించితి నీట్లేల యిఁకను   ॥ అందు ॥

రతి నన్ను మఱపించి రాతిటిసుద్దు లడిగేవు
అతినేరుపరితన మౌనొయి
యితవై శ్రీవేంకటేశ యిందుకు మారుకుమారు
తతిగా నిన్నే కూడితి తలఁచుకో ఇఁకను   ॥ అందు ॥