Anatiyyavayyaa Maata (ఆనతియ్యవయ్యా మాట)

ఆనతియ్యవయ్యా మాట అమర జోడించుకొని
వీనులారా నే నది విని మెచ్చేఁగాని      ॥ పల్లవి ॥

పచ్చిదేర నవ్వి నీకు బాదము లొత్తుచు నింతి
విచ్చనవిడి నన్నియు విన్నవించెను
కచ్చుపెట్టి నీవు నట్టె కన్నులా నోరా వింటివి
హెచ్చి ఇందువంకను మేలేమి గంటివయ్యా ॥ ఆన ॥

చిమ్ముఁ జూపులనుఁ జూచి చేతివిడెమిచ్చి లేమ
యెమ్మెలఁ దనవలపు లెరుకసేసె
సమ్మతించితివి నీవు సరికి బేసికి నిట్టె
కమ్మర నీకేమి దారుకాణవచ్చె ననియా    ॥ ఆన ॥

యేకతానఁ గాఁగిలించి ఇట్టె యలమేలుమంగ
దాకొని శ్రీవేంకటేశ తలఁపించెను
ఆకడ నన్నేలియును అవియు నియ్యకొంటివి
కైకొని అందునా నేమి గట్టుకొంటివయ్యా    ॥ ఆన ॥