Adivo Lakimamma (అదివో లకిమమ్మ)

అదివో లకిమమ్మ అహోబలేశ్వరుతోడ
పదివేలు చందముల పరగీ రతులను    ॥ పల్లవి ॥

సరుసనే కూచుండి జవళిఁ గొండలమీఁద
యిరులు చల్లులాడీ విభుఁడుఁదాను
పరిపరివిధముల భవనాశి దరులను
సరసములాడీని సాటికి చేటికిని       ॥ అది ॥

యెదురుఁగాఁగిళ్ళతోడ నెనసి మాఁకులనీడ
పెదవితేనె లానీని ప్రేమమునను
నిదినిధానాలవలె నిచ్చ వానపడలను
సదమదమై నవ్వీని చతురత మెఱసి    ॥ అది ॥

తొడఁదొడఁ గదియఁగ దోమటి గద్దెల నుండి
జడియక పెనఁగీని సమరతిని
యెడయక శ్రీవేంకటేశుఁడే నరసిఁహుఁడై
అడరఁగఁ బండ్లెడీ నతి సంతోసమున    ॥ అది ॥