Andu Kemayyaa Nenaddamaadenaa (అందు కేమయ్యా నేనడ్డమాడేనా)

అందు కేమయ్యా నే నడ్డమాడేనా
చంది వద్దనేనా చెనకేవు రతికి       ॥ పల్లవి ॥

పగటున నన్నునేల పైకొని వేఁడుకొనేవు
నగుత యెఱుఁగనా నాతో నీవు
జగడాలదాననా చనవరీకాంతను
తగవు నే నెఱఁగనా నాతో నీవు       ॥ అందు ॥

చెలిమిసేసి నన్ను చెక్కునొక్కే వప్పటిని
వలచు టెఱఁగనా వడి నా(నీ?)కును
చలము సాదించేనా సలిగె గలదానను
తలఁపు నే నెఱఁగనా దగ్గరేవు రతికి    ॥ అందు ॥

కన్నుసన్నలనే చూచి కాఁగిటఁ బెనఁగే విదె
మన్నించే దెఱఁగనా మంతనానను
అన్నిటా శ్రీవేంకటేశ అలమేలుమంగ నేను
పన్ని కూడే దెఱఁగనా పదరేవు రతికి  ॥ అందు ॥