Amdulone Kaanavachchee Nannibhaavaalu (అందులోనే కానవచ్చీ నన్నిభావాలు)

అందులోనే కానవచ్చీ నన్నిభావాలు
విందులు వెట్టఁగరాదా వెలఁదికి వెూవి    ॥ పల్లవి ॥

కొప్పు దువ్వి యాకె నిట్టె కోరి వొడఁ బరచేవు
కప్పిననీమాఁటలు కాదనీనా
చిప్పిల నింతటిలోనే చెక్కులెల్లాఁ జెమరించె
తప్పక చూడరాదా తరుణినెమ్మోము    ॥ అందు ॥

సెలవుల నవ్వుతానే సిగ్గు విడిపించేవు
చెలరేఁగి చెప్పినట్టు సేయకుండీనా
తలఁపులు దైవారి తనువెల్లాఁ బులకించె
సొలయుచు నీ వంటిచూడరాదా యింతి   ॥ అందు ॥

కూడితి వలమేల్మంగ గొంకక శ్రీ వేంకటేశ
పాడిపంతా లింకా నీతోఁ బచరించీనా
వేడుకకళలతోడ విఱ్ఱవీఁగి రతులకు
జోడై యిట్టె చూడరాదా సొబగు లిన్నియును ॥ అందు ॥