Antasesinattimeeda Intasesite (అంతసేసినట్టిమీద ఇంతసేసితే)

అంత సేసినట్టిమీఁద ఇంతసేసితే నేమాయ
దొంతినున్న వలపులు దోమటికి రావా    ॥ పల్లవి ॥

తీపున నిందాఁకా నిన్నుఁ దిట్లు దిట్టిననోరు
చేపట్టి నీకుఁ బ్రియాలు చెప్పఁగలేదా
దాపలాన నీమీఁదఁ జాఁచి పెనఁగినచేయి
మోపుచు నొసల నీకు మొక్కనోపదా    ॥ అంత ॥

అలుకలకు గురియై అవ్వలి మోమైనమోము
పెలుచుమోపువు విందు పెట్టఁగ లేదా
మొలకపాయములను మొనచూపినచన్నులు
గిలిగింతరతులను కిందుపడనోపవా    ॥ అంత ॥

సారాసారెసణఁగుల జంకించనట్టికన్నులు
నారుకొన్న వేడుకల నవ్వఁదగదా
యీరీతి శ్రీవేంకటేశ యింతి నీవురము యెక్కె
నుపులరతులను నిన్నిట్టె మెప్పించదా   ॥ అంత ॥