Ammamma Emamma (అమ్మమ్మ ఏమమ్మ)

అమ్మమ్మ యేమమ్మ అలమేల్మంగ నాచారమ్మ
తమ్మి యింట నలరుకొమ్మా వోయమ్మా       ॥ పల్లవి ॥

నీరిలో నాఁదల్లడించి నీకే తలవంచి
నీరికిందాఁ బులకించి నీ రమణుండు
గోరికొనఁ జెమరించి గోపమే పచరించి
సారెకు నీయల కిట్టె చాలించవమ్మా        ॥ అమ్మ ॥

నీకుఁగానె చెయిజాఁచి నిండాఁ గోపమురేఁచి
మేకొని నీవిరహాన మేను వెంచేని
యీకడాకడి సతుల హృదయమే పెరరేఁచీ
నాకు మడిచియ్యనైనా నానతియ్యవమ్మా     ॥ అమ్మ ॥

చక్కఁదనములె పెంచి నకలముఁగాల దలంచి
నిక్కపు వేంకటేశుండు నీకె పొంచేని
మక్కువతో నలమేల్ మంగనాచారమ్మా నీ
యక్కున నాతని నిట్టె అలరించవమ్మా      ॥ అమ్మ ॥