Aadakela Mammu Bilcheenanare (ఆడకేల మమ్ముఁ బిల్చీననరే)

ఆడకేల మమ్ముఁ బిల్చీననరే వో చెలులాల
వేడుకమాటలాడ వెస మీరు చాలరా       ॥ పల్లవి ॥

కందువ నాపెఁ దాను కాఁగిలించుకుండఁగాను
చెంది సతు లెవ్వ రెట్టు సేవసేసేరు
యిందుకు రమ్మనవే యేపనులు గలిగినా
అంది సేసేయు సిగ్గరిఆఁడువారము        ॥ ఆడ ॥

మునుపుపాన్పుపైఁదాముముసుగువెట్టుకుండఁగా
యెనసి యెవ్వరు విడెమియ్యవచ్చేరు
చెనకి మావద్దికిఁ జేఇ చాఁచుమనవే
ఘనమైనర వాసివన్నె గలవారము        ॥ ఆడ ॥

మేలి మలమేల్ మంగను మెడఁగట్టుకుండఁగాను
కాలుదొక్కి యెవ్వరెట్టు కలసేరు
యేలినాఁడు శ్రీవేంకటేశుఁ డింతలోనె మమ్ము
వోలిఁ దాము) మన్నించఁగా నుండేటివారము   ॥ ఆడ ॥