Aakenela Vottivettee Vadi (ఆకెనేల వొట్టివెట్టే వది)

ఆకెనేల వొట్టువెట్టే వది దెలుపమంటాను
పైకొని నీలో నీవే భావించుకోరాదా           ॥ పల్లవి ॥

నగితే నీదేవుల నానలువెట్టేలడిగేవు
జిగిమించ మరి యేమి చెప్పమనేవు
మగఁడవు నీచేఁతలు మరేమైనాఁ గలితే
తగిలి నీలో నీవే తలఁచుకొరాదా           ॥ ఆకె ॥

నీమోము చూచితేనేల నెలఁత కొంగు వట్టేవు
నేమాన నేమి దారుకాణించుమనేవు
యేమైనా నీసుద్దులు యేకడనైనాఁ గలితే
దీమసాన నీలో నీవే తెలుసుకోరాదా          ॥ ఆకె ॥

అలమేలుమంగ నిన్ను నంటితే నేల కొంకేవు
యెలమి శ్రీవేంకటేశ యెంతొరసేవు
యిలఁ గూడితివి యింక నేపనులైనాఁ గలితే
వెలయ నీలో నీవే విచారించుకొరాదా         ॥ ఆకె ॥