Adane Akeche Vemge (ఆడనె ఆకెచే వెంగె)

ఆడనె ఆకెచే వెంగె మాడించుకోవయ్య
తోడనె నీ సుద్ది విన దోస మయ్యా         ॥పల్లవి॥

చిత్తము రా కొకమాట చిత్తము వ చ్చొకమాఁట
వొత్త నీతో నాడ నే నోప నయ్యా
హత్తిన ఆకెకు నీకే అలవాటు గాని మాకుఁ
దత్తరించి యింత నేయం దగ దయ్యా      ॥ఆడనె॥

కూడినప్పు డొకచూపు కూడనప్పు డొకచూపు
యీడా నాడా రెండూ నెరఁగ మయ్యా
యేడో ఆకెకు నీకు యే మన్న నమరుఁ గాని
వీడుపడ నింత నేయ వెరతు మయ్యా      ॥ఆడనె॥

సంతసించి వొకనవ్వు సంతంసించ కొకనవ్వు
మంతు కెక్కి తొల్లె యివి మానితి మయ్యా
చెంతలఁ గూడితి నన్ను శ్రీవెంకటేశ యాకె
పంత మాడుఁ గాని మాకుఁ బాడి గా దయ్యా   ॥ఆడనె ॥