Amduke Po Veragayyee Nammalaala (అందుకే పో వెరగయ్యీ నమ్మలాల)

అందుకే పో వెరగయ్యీ నమ్మలాల
అందరిలో నన్నే మెచ్చినట్టే కాదా  ॥ పల్లవి ॥

వేడుకకాఁడు గదవే వీడెము చేతికిచ్చితే
ఆడకు రమ్మని తీసీ నట్టే కాదా
పాడితోడ నిందుకుఁగా పక్కన నే నవ్వితేను
ఆడరానిమాటలాడీ నట్టే కాదా    ॥ అందు ॥

మోసలేని జాణగదే మొక్కినంతలోనే నన్ను
ఆసవెట్టి వెళ్లఁదీసె నట్టేకాదా
గాసికోపక సిగ్గుతోఁగదలితే వెంట వెంట
ఆసుకోనివలె వచ్చీ నట్టేకాదా    ॥ అందు ॥

నేరుపరిగదె వీఁడు నేన్కొకమాటాడితేను
ఆరసి తాఁ గాఁగిలించీ నట్టేకాదా
వేరులేక యిందుకే శ్రీవేంకటేశుఁ గూడితిని
హరములు నాకు నిచ్చె నట్టే కాదా ॥ అందు ॥