Ana Lela Pettukone Vappati Neevu (ఆన లేల పెట్టుకొనే వప్పటి నీవు)

ఆన లేల పెట్టుకొనే వప్పటి నీవు
లోనై నే నీ కుండితే లోకమైనా మెచ్చునా    ॥ పల్లవి ॥

మచ్చికతో నాపె యింట మాపు దాఁ కా నుండి వచ్చి
నచ్చుల నా మన నెట్టు నమ్మించేవు
అచ్చపు మగవాఁ డవు అంగనతో నొంటి నుంటే
నెచ్చెలులైనా నిన్ను నింద లాడకుందురా  ॥ అన ॥

చేతులార నాపె చేత సేవ సేయించుకొంటానే
నాతో నిజా లెట్టు నడపించేవు
రాతి రొక్కమంచముపై రామా నీవు నుంటి రంటే
ఆతలీతలివారలు ఆడుకోక వుందురా     ॥ అన ॥

గౌరవించే నంటా నాఁ పెఁ గౌఁగిలించుకొంటానే
యేర శ్రీ వేంకటేశ నా కెట్టు బొంకేవు
సారె నలమేల్మంగను సరికి సరిఁ గూడితి
వీ రీతికిఁ బొరుగువా రిటు నవ్వకుందురా.   ॥ అన ॥