Andarivalene Chooche Nappati (అందరివలెనే చూచే నప్పటి)

అందరివలెనేచూచే వప్పటి నన్ను నీవు
సందడి మందమిరేలు చల్లఁగా నేను      ॥ పల్లవి ॥

సరసములాడుతానే చలము సాదించె నాపె
యిరవైతి నింతసేయ నే నోపఁగా
తరుణి పాదాలొత్తుతా తానే తాఁకించే గోరు
వొరసి మేరలుదప్ప నోపఁగా నేను        ॥అంద॥

కదిసి మాటాడుతానే కాఁకలురేఁచె నాపె
యిదివో నేనైతేను ఇంతకోపఁగా
చదురంగమాడుతానే సారెసారె నుఁ దిట్టె
వుదుటున గాతసేయ నోపఁగా నేను       ॥అంద॥

గారవానఁ గూడుతానే గంటిసేసె మోవి యాపె
యీరీతి నిన్ను జరయ నింతకోపఁగా
కోరి శ్రీవేంకటగిరి గోవిందనన్నేలితివి
వూరకే నిన్ను దూరనోపఁగా నేను        ॥అంద॥