Annitaa galigivaite (అన్నిటా గలికివైతే)

అన్నిటాఁ గలికివైతే నౌదువు గాని
యెన్నరా దాతని ప్రియమియ్యకొనవే ॥ పల్లవి ॥

వసముగాని పతితో వాసులేల నెరపేవే
కసుగాటు వలపుల కాయవు నీవు
రసములు చిందీనదె రమణుఁడు మాటలనే
విసువక ఆదరించి వినఁగదవే    ॥ అన్ని॥

మేటియైన విభునితో మేకులు చూపకువే
తేట వయసుల పూవుఁదీగెవు నీవు
మాటులేని మందు నూరీ మగఁడు నవ్వులనే
చాటుకుఁ బోకందుకొని సమ్మతించవే ॥ అన్ని॥

శ్రీ వేంకటేశ్వరునితో సిగ్గులు వడకువే
దేవరవంటి పట్టపుదేవివి నీవు
చేవదేర మన్నించి చేఁతల నిన్నీతఁడు
పూవువలె నిట్లనే భోగించవే       ॥ అన్ని॥