Antinaa Tannemainaa Naavaginjantainaa (అంటినా తన్నేమైనా నావగింజంతైనా)

అంటినా తన్నేమైనా నావగింజంతైనా మాట
కంటిచూపు తాఁ జూచె కన్నలలో నున్నవి (ది?) ॥ పల్లవి ॥

ఆయలేవే తనమాట కందాలు చెప్పఁగవచ్చీ
చాయసేసుకొన్నఁ బోఁడు సాదించీని
చేయారఁ దనమేనిచిన్న లివె చేనిపంట
కోయిలకాలే చెప్పీఁ గోప మేఁటికనవే      ॥అంటి ॥

పోనీవే తనుఁదానె పొగడీఁ దన నిజము
మానేనన్నాఁ బోనీఁడు మళ్లఁదీసీని
అనలేలే తనగుణ మదె గొండంటి మెత్తన
నానఁగానే కానవచ్చీ నయమైతేఁగనక     ॥ అంటి ॥

కద్దులేవే తనకాఁక కాఁగిటనే చూపవచ్చీ
వొద్దన్నా మానఁడు నాపై వొళ్లు వేసీని
వొద్దికె శ్రీవేంకటేశుఁ డొనగూడె తననేర్పు
తిద్దనేల నీరుకొలఁది తామెర గాదా      ॥ అంటి ॥